))
Die Seën van Vrede
Manage episode 448394566 series 3072738
Contenu fourni par Jokkie Gauché on behalf of Berni Dymet. Tout le contenu du podcast, y compris les épisodes, les graphiques et les descriptions de podcast, est téléchargé et fourni directement par Jokkie Gauché on behalf of Berni Dymet ou son partenaire de plateforme de podcast. Si vous pensez que quelqu'un utilise votre œuvre protégée sans votre autorisation, vous pouvez suivre le processus décrit ici https://fr.player.fm/legal.
Levitikus 26:6 “Ek sal vir julle vrede gee in die land en julle sal gaan slaap sonder om bang te wees. Ek sal die wilde diere uit julle land wegneem en julle van julle vyande bewaar.” (NLV)
Vandag word Wapenstilstandsdag, die dag toe die einde van die Eerste Wêreldoorlog aangekondig is, in talle lande herdenk. Destyds het hulle gesê dat daar nooit weer só ‘n oorlog op aarde sal wees nie. Maar vandag weet ons van beter, nè?
Hulle sê daar het meer as 20 miljoen mense in die Eerste Wêreldoorlog gesterf. Ja, maar wat nog erger is, is dat daar volgens amptelike syfers ten minste nog 230 oorloë daarna was. En dit sluit die Tweede Wêreldoorlog in, waarin meer as 70 miljoen mense dood is. En ons ken mos statistieke – die sterftes is waarskynlik baie hoër as dit!
Enigiemand wat ‘n oorlog beleef het, sal jou kan vertel dat daardie trauma nooit weggaan nie. My eie ouers is deur ‘n oorlog en hulle kon stories vertel van die pyn wat hulle beleef het, baie jare nadat die konflik al verby was.
Alhoewel ek ook 'n soldaat was, was ek nog nooit in ‘n oorlog situasie betrokke nie. Dit is dus vir my ook maklik om vrede as vanselfsprekend te aanvaar. Maar ons moet dit nooit doen nie, want vrede is een van die grootste seëninge wat ons ooit van God kan ontvang. Kyk wat Hy ongeveer twee en 'n half duisend jaar gelede vir die Israeliete gesê het in:
Levitikus 26:6 “Ek sal vir julle vrede gee in die land en julle sal gaan slaap sonder om bang te wees. Ek sal die wilde diere uit julle land wegneem en julle van julle vyande bewaar.” (NLV)
Maar weet jy, daardie vrede is vir hulle beloof, indien hulle Hom gehoorsaam. En raai wat? Hulle het nie. Hulle het ver van Hom af weggedwaal en sedertdien het hulle tot vandag nog oorloë.
Ek weet nie hoe jou sake lyk nie, maar ek weet dit: Dit maak nie saak watter konflik jy beleef nie, God wil hê dat jy die seën van sy vrede moet ervaar. Eer Hom.
Dit is God se Woord. Vars … vir jou … vandag.
Support the show
1380 episodes
Partager
