Skömmu fyrir jól var Notre Dame-dómkirkjan í París opnuð að nýju eftir viðgerðir sem staðið hafa yfir frá því að kviknaði í kirkjunni árið 2019. Í tilefni af þessu verður þátturinn "Á tónsviðinu" tileinkaður tónlist sem tengist Notre Dame. Þar má nefna söngverk eftir Leónínus, eitt helsta tónskáld Notre Dame-skólans á 12. öld, orgelverk eftir Louis…

Í þættinum verða leiknar tónsmíðar sem eiga að lýsa sleðaferðum. Mörg tónskáld hafa reynt að lýsa ferð á hestasleða í tónum og má þar nefna feðgana Leopold og Wolfgang Amadeus Mozart, Frederick Delius og Leroy Anderson. Frægt er líka sönglagið "Jingle Bells" eftir James Lord Pierpont sem lýsir klingjandi sleðabjöllum. Skáldið Edgar Allan Poe orti l…

Á þessu ári eru liðin 200 ár frá andláti Byrons lávarðar, eins frægasta skálds Breta, en hann dó í apríl 1824. Í tilefni af því verður þátturinn "Á tónsviðinu" helgaður lögum við ljóð Byrons. Byron var afar umtalaður meðan hann lifði, ekki aðeins fyrir skáldsnilld, heldur líka fyrir fjöllyndi í ástum og vafasamt líferni. Margir dýrkuðu hann sem ská…

Í þættinum verður fjallað um ár í tónlistarsögunni sem verður að teljast að mörgu leyti sorglegt, að minnsta kosti settu sorglegir atburðir svip á þetta ár þegar litið er til fjögurra merkra tónskálda. Tónskáldin eru systkinin Felix og Fanny Mendelssohn og hjónin Robert og Clara Schumann, og árið er 1847. Öll tónlist sem flutt verður í þessum þætti…

Í þættinum er fjallað um óperuatriði þar sem matur og drykkur kemur við sögu. Meðal annars verður flutt atriði úr óperunni "Don Giovanni" eftir Mozart, þar sem aðalpersónan situr að snæðingi, atriði úr "Hans og Grétu" eftir Humperdinck, þar sem Hans og Gréta gæða sér á kökunum af kökuhúsi nornarinnar, og atriði úr "Þrymskviðu" eftir Jón Ásgeirsson …

Í þessum þætti fá draugar og vofur að láta til sín heyra, en það eru yfirleitt fremur meinlausir draugar. Meðal annars verður leikinn Draugadans sem Karl O. Runólfsson samdi fyrir leikritið "Skugga-Svein", píanóverkið "Ærsladraugurinn" eftir William Bolcom og söngurinn "Skrämd spökvisa" (Vísa hrædda draugsins), lag eftir Ernu Tauro við texta eftir …

Í þættinum verða leiknar hugleiðingar í tónum, en ekki er óalgengt að tónsmiðir kalli verk sín hugleiðingar. Á erlendum málum er oftast notað orðið "meditation" og meðal þeirra tónsmíða sem fluttar verða í þættinum er "Méditation" úr óperunni "Thaïs" eftir franska tónskáldið Jules Massenet. Sú tónsmíð er sérlega vinsæl og oftast leikin á einleiksfi…

Á þessu ári er liðin öld frá andláti listamannsins Guðmundar Thorsteinssonar sem einnig nefndist Muggur. Í tilefni af því verður þátturinn “Á tónsviðinu” fim. 5. september, helgaður tónlist við hið alþekkta ævintýri Muggs “Dimmalimm”. Muggur samdi og myndskreytti ævintýrið árið 1921 handa lítilli frænku sinni, Helgu Egilsson, sem kölluð var Dimmali…

Í þættinum verður fjallað um tvö tónverk sem byggð eru á sögunni „Risinn eigingjarni" (The Selfish Giant) eftir Oscar Wilde. Sagan kom út í bók árið 1888 og fjallar um risa sem á fallegan blómagarð. Hann vill ekki lofa börnum að leika sér í honum og byggir múrvegg í kringum garðinn. En þegar börnin hætta að koma í garðinn vill vorið ekki koma þanga…

Í sumum sögum koma fyrir lifandi hlutir. Þetta á einkum við um barnabækur, en þó má einnig finna lífi gædda hluti í skáldverkum fyrir fullorðna. Hugmyndin um lifandi hluti er gömul og má sem dæmi nefna Flóamanna sögu, sem rituð er í kringum 1300, en þar tala tvö skip saman. Og þó að fólk viti fullvel að hlutir eru dauðir geta hlutir sem geyma dýrmæ…

Í þessum þætti verða fluttar tónsmíðar sem tengjast snjókörlum og má þar nefna tónlist eftir Howard Blake úr teiknimyndinni „The Snowman“ frá árinu 1982 og dægurlagið „Frosty the Snowman“ eða „Snæfinnur snjókarl“ sem Walter „Jack“ Rollins og Steve Nelson sömdu árið 1950. Einnig verður flutt atriði úr leikritinu „Snjókarlinn okkar“ eftir Odd Björnss…